जालना, १० जून २०२५: जालना जिल्ह्यातील गरीब कुटुंबातील मुला-मुलींना आपला वाढदिवस आनंदात साजरा करता यावा यासाठी एक उल्लेखनीय उपक्रम सुरू करण्यात आला आहे. ‘नेताजी सुभाषचंद्र बोस सेवाभावी संस्था’ या संस्थेने जिल्ह्यातील गोरगरीब १ ते १८ वर्षे वयोगटातील प्रत्येक मुला-मुलीसाठी ५,००० रुपयांची आर्थिक मदत देऊन त्यांचे वाढदिवस साजरे करण्याची योजना जाहीर केली आहे.
संस्थेचे अध्यक्ष रतन आसाराम लांडगे यांनी आज जिल्हाधिकारी यांच्याकडे या योजनेबाबत निवेदन सादर केले. यावेळी संस्थेचे संस्थापक अध्यक्ष रतनाता लांडगे, विष्णू जाधव (महाराष्ट्र अध्यक्ष), आसिफ खान (जिल्हा संघटक) उपस्थित होते.
“गरिबीमुळे जालना जिल्ह्यातील अनेक गोरगरीब मुलं-मुली आपला वाढदिवस साजरा करू शकत नाहीत, ते या सुखापासून वंचित राहतात. ही वंचितता दूर व्हावी म्हणून आमच्या संस्थेने ठरवले आहे की प्रत्येक गोरगरीब मुला-मुलींच्या वाढदिवशी त्यांना आम्ही ५,००० रुपये देऊ. यामुळे त्यांचा हॅप्पी बर्थडे खरोखरच आनंदी होईल,” असे संस्थापक अध्यक्ष रतन आसन लांडगे यांनी सांगितले.
योजनेचे तपशील व नोंदणी प्रक्रिया:
-
लाभार्थी वयोगट: १ वर्ष ते १८ वर्षे वयोगटातील मुले व मुली.
-
आर्थिक मदत: प्रत्येक लाभार्थ्याला वाढदिवशी ५,००० रुपये.
-
नोंदणी शुल्क: योजनेचा लाभ घेण्यासाठी ६०० रुपये एकमुशी नोंदणी फी भरावी लागेल.
-
आवश्यक कागदपत्रे:
-
मुलाचे/मुलीचे आधारकार्डाची प्रत
-
आईचे आधारकार्डाची प्रत
-
वडिलांचे आधारकार्डाची प्रत
-
अलीकडील फोटो
-
-
नोंदणीचे ठिकाण: भक्तेश्वर नगर, नरेश कॉम्प्लेक्सजवळ, अंबड रोड, पोलीस कोर्ट समोर (जालना) येथील संस्थेच्या कार्यालयात.
-
नोंदणी सुरुवात: या मंगळवारपासून (अनुमानित ११ जून पासून).
-
संपर्क: दिलेल्या पत्त्यावर संस्थेच्या कार्यालयात संपर्क साधावा.
महत्त्वाचे स्पष्टीकरण: संस्थेने जाहीर केले आहे की त्यांची नोंदणी (महाराष्ट्र शासन मान्यताप्राप्त नोंदणी क्रमांक: डझ/१३/झे/२३, जालना) अस्तित्वात आहे व ते हे कार्य सेवाभावी तत्त्वावर करत आहेत. लांडगे यांनी जिल्ह्यातील सर्व गरजू पालकांना या योजनेचा लाभ घेण्याचे आवाहन केले आहे.
“सगळ्या गोरगरीब जनतेनी या योजनेचा लाभ उचलावा. मंगळवारपासून आमच्या कार्यालयात फॉर्म भरणे सुरू आहे. येऊन नोंदणी करा आणि आपल्या मुला-मुलींचे वाढदिवस आनंदाने साजरे करूया,” असे लांडगे यांनी सांगितले.
Read More : जालना बसस्थानक परिसरात गोहत्येविरोधात रास्ता रोको आंदोलन, दीड तास वाहतूक ठप्प
One thought on “गोरगरीब मुलांचे वाढदिवस साजरे करण्यासाठी जालन्यात मोठी मुहीम! नेताजी संस्था देणार प्रत्येकाला 5,000 रुपये”